Genesis 33

¹ Yeɛqub yerfed allen-is. Iwala Ɛisaw iteddu-d ɣuṛ-es. Rebɛa meyya n yirgazen teddun-d deffir-s! Yeɛqub yefka arrac i Liya, Raḥil, akk-d snat n tqeddacin.

³ Yeɛqub yezwar zdat. Yebda iteddu ɣer gma-s. Sebɛa tikwal yeɣli ɣef lqaɛa u isers udem-is ɣer lqaɛa uqbel ad yaweḍ ɣer Ɛisaw.

⁴ Ɛisaw yuzzel! Iger-d ifassen-is ɣef Yeɛqub u isellem fell-as s lǧehd. Iqubbel amgerḍ-is acḥal n tikwal. Ttqelmun deg sin.

¹⁷ Yeɛqub iṛuḥ ɣer Sukut. Yebna axxam, issebded leɛcuc imecṭaḥ i lḥiwan-is. Ɣef waya isem-is i wemkan-nni Sukut. Lmeɛna-s leɛcuc imecṭaḥ.

¹⁸ Ɣer taggara yewweḍ Yeɛqub ɣer temdint n Cikam deg Kenɛan. Yekka-d meṛṛa abrid seg Faddan Aram. Issebded aqiḍun-is berra i temdint.