Isaiah 37
1 Nangngeg ni Ari Ezekias amin daytoy. Pinigisna dagiti badona. Binarikesanna ti bagina iti nakusap a lupot. Napan a deretso idiay balay ni Yahweh.
3 Kinunada kenkuana, "Kuna ni Ezekias: Maysa nga aldaw ti ut-ot daytoy nga aldaw. Maysa nga aldaw ti pannusa. Maysa nga aldaw ti kinabain a nakaro unay nga uray saanmo a maitangad ti ulom. Kasla babai a dandanin agpasngay, ngem awanen ti pigsana. Naipit ti maladaga. Saanna a maipuslit."
6 Kinuna ni Isaias kadakuada, "Ibagayo daytoy iti aponyo. Kuna ni Yahweh: Saankayo nga agbuteng kadagiti sasao a nangngegyo. Saankayo nga agpigerger gapu kadagiti kinuna dagita nga adipen ti ari ti Asiria a maibusor kaniak."
8 Timmalyaw ni Rabsake ket nasarakanna ti ari ti Asiria a mangrarraut iti siudad ti Libna. Pinanawannan ti Lakis.
14 Innala ni Ezekias ti surat kadagiti lallaki a nangiyeg iti daytoy. Binasa manipud ngato agingga iti baba. Kalpasanna, napan idiay balay ni Yahweh ket inyaplagna a nakalukat ti surat iti sanguanan a mismo ni Yahweh.