Genesis 32
1 Nagtultuloy ni Jacob iti dalanna. Ket napasamak daytoy! Immay sinabat dagiti anghel ti Dios isuna idiay dalan.
3 Nangibaon ni Jacob kadagiti lallaki nga umuna tapno biroken da ni kabsatna nga Esau. Agnanaed ni Esau iti daga a Seir, iti atap a pagilian ti Edom.
7 Ginemgem ti buteng ti puso ni Jacob. Biningayna dagiti tattaona iti dua a grupo. Biningayna dagiti karnero, dagiti baka, ken dagiti kamelio iti isu met laeng a wagas.
9 Kalpasanna nagparintumeng ni Jacob. "Dios ni amak nga Abraham! Dios ni amak nga Isaac! Yahweh, imbagam kaniak nga agsubliak iti dagak ken kadagiti tattaok. Inkarim nga agbalinka a nasayaat kaniak."
22 Iti daydiay a rabii, bimmangon ni Jacob. Innalana dagiti dua nga asawana, dagiti dua nga adipenna a babbai, ken dagiti sangapulo ket maysa nga anakna a lallaki. Pinalasna ida iti ababaw a danum iti Karayan Jabbok.