Genesis 46

¹ ইসরাইল তার বেজ্ঞ জিনিস লইলো। তে রওনা দিল। তে বেরশেবাত উবাইলো। এডে তে জানোয়ার মারিল আর তার বাপ ইসহাকর খোদার নামে কুরবানি দিল।

⁵ ইয়াকুব বেরশেবা তুন উডিল। তার পোয়াইন তারে ফেরাউনর পাঠাইয়্যা গাড়িত উডাইলো। তারা তারার ছোড পোয়াপান আর বউইনরেও উডাইলো।

²⁸ ইয়াকুব এহুদারে আগে পাঠাইলো ইউসুফরে খুঁজিবার লাই। এহুদা তারারে গোশনোর রাস্তা দেহাইতো। তার হরে বেজ্ঞ পরিবার গোশনোত পৌছিল।

²⁹ ইউসুফ তার গাড়ি তৈরি গরল। তে তার বাপ ইসরাইলর লয় দেহা গরিত গোশনোত দৌড়ি গেল! যেহন তে তারে দেহিল, ইউসুফ তার বাপর গলাত ধরি গলে গলে হাদিল। তে বোত খন ধরি জুরে জুরে হাদিল।

³¹ ইউসুফ তার ভাইয়ুনরে আর তার বাপর বাড়ির বেজ্ঞুনরে হইলো, "আঁই ফেরাউনর লয় দেহা গরিত যাইয়ম। আঁই তারে হিয়ম তোঁয়া কেনান তুন আঁর হানে আইসস।"