Genesis 15

¹ এরফরে ইয়াহওয়ে এব্রামর লয় খাপত হতা হইয়ি। "ডরাইয়ো না, এব্রাম। আঁই আচি। আঁই তোঁয়ার ঢাল। আঁই তোঁয়ারে হেফাজত গরুম। আঁই তোঁয়ার সওয়াব। আঁর দাম সব কিচ্চু ত্তুন বেশি!"

⁴ ইয়াহওয়ে জবাব দিয়ি। "না! হেই মানুছ তোঁয়ার জিনজ ন ফাইবু। তোঁয়ার পোয়াই ফাইবু। তোঁয়ার নিজের গতরর পোয়া!"

⁹ ইয়াহওয়ে হইয়ি, "আঁর লাই এজ্ঞুয়া গাই, এজ্ঞুয়া ছাগল আর এজ্ঞুয়া ভেড়া লই আয়। বেজ্ঞুনর বয়স তিন বসর অইতো অইবু। এজ্ঞুয়া হাইত্বা আর এজ্ঞুয়া কবুতর-ও লই আয়।"

¹¹ আসমান ত্তুন বড় চিল উড়ি আয়ি! তারা গোশত হাইতো চাইয়ি। এব্রাম হাত নাড়ি তারা রে হিদাই দিয়ি।

¹² বেইল ডুবি গিয়ে। এব্রামর বোউত ঘুম আয়ি। হেতে হুইজ্জা থাইকতো ন ফাইত্তো। ডরাইবোল্ল্যা ঘন আন্দার তারে ঘিরি ফেলিইয়ি।