Genesis 37
1 یعقوب کنعان اٹی رہینگا. ہمو ڈغار ہراڑے اسحاق رہینگا. اسہ مسافر اسے نا وڑ.
2 یعقوب نا خاہوت تون دا وڑ مس. یوسف ہفتدہ سال نا اس. او تینا بھلا ایلم تتون ڈغار تیٹی کاریم کریکا. بلہہ و زلفہ نا مارک. او اونے اسہ چنا اسے نا وڑ خنارہ. یوسف اُرا غا پدی ہنا و تینا باوہ ءِ اوتا خراب آ کاریم تا بارہ واٹ پارے.
3 اسرائیل یوسف تون کُل آن زیات مہر کریکا. انتئے؟ یوسف ہمو وخت آ ودی مس ہراتم اسرائیل پیر اس. اسرائیل اونے اسہ تحفہ اس تس. اسہ مُرغن و رنگین آ گد اس.
4 ایلمک ہر دے اونے خنارہ. او خنارہ کہ ہراتم یوسف گدارارکہ تو اوتا باوہ نا خنک روشنا مسرہ. اوتا سَڑنگ ودی مس. او باز زیات مس. او اوتوں اسہ جوان ءُ ہیت اس ہم کپتوِرہ.
5 اسہ نن یوسف اسہ تغ اس خنا. او پگہ نا دے تینا ایلم تے اونا بارہ واٹ پارے. اوتا سَڑنگ پین خاخر مس.