Psalms 18

¹ سُر ءُ ساز ءِ سروک ءِ واستہ۔ یاھوہ ءِ بندگ داؤد ءِ گال۔ آئی ءَ اے ھبر ھما روچ ءَ یاھوہ ءِ واستہ گُشت اَنت، وھدے کہ یاھوہ ءَ آئی ءَ چہ درستیں دژمناں ءُ شاؤل ءَ رکّینت۔ آئی ءَ گُشت، ”من گوں تو مہر کن آں، یاھوہ، منی طاقت!“

² یاھوہ منی ڈلّ اِنت، سنگ ءِ وڑا مھکم! آ منی زورانساوریں امینیں جاہ اِنت! آ ھما اِنت کہ منا رکّین اِت! منی ھُدا ھما ڈلّ اِنت کہ من آئی ءِ گورا چیر باں! آ منی سپر اِنت! آ منا دیم ءَ روگ ءِ طاقت دنت! آ ھما کلات ءِ وڑا اِنت کہ کپت نہ کنت!