Luke 20
9 Lheueh nyan Isa geupeugah calitra nyoë bak ureuëng ramè. "Sidroë ureuëng agam jipula anggô. Jih jiseuwa lampôh nyan bak meupadum droë ureuëng meugoë ngön jijak jiôh keu wateë nyang treng."
10 "Wateë trôh masa keu pöt anggô, jih jiyue sidroë namiet keu jak cok raseuki jih. Teuma ureuëng meugoë nyan jipoh namiet nyan ngön jiyue wö namiet nyan ngön jaröë soh."
13 "Lheueh nyan ureuëng po jipiké, 'Peue nyang hase ulôn peubuët? Ulôn teuma kuyue aneuëk ulôn keudroë nyang ulôn gaséh. Awaknyan teuma jihoreumat gopnyan.'"
20 Laju awaknyan jikawasi gopnyan gèt-gèt. Awaknyan jiyue mata-mata nyang meupura-pura lagèë awaknyan neuk meurunoe. Reuncana awaknyan nakeuh keu drub Isa meunyo gopnyan na geupeugah peukara nyang salah mangat awaknyan hase jôk gopnyan bak peumimpin Romawi.
23 Isa geuteupeue akai awaknyan. "Pakön gata neuci theun ulôn?" kheun gopnyan.