Genesis 33

¹ Yakub geuconggak u ateueh. Esau teungoh geujak u arah gobnyan. Peuet reutoh ureueng agam geujak di likot gobnyan! Yakub geupeuduek aneuk-aneuk ngon Lea, Rahel, dan bandua namiet inong nyan.

³ Yakub geujak di keue. Gobnyan geujak u arah abang gobnyan. Tujoh go gobnyan geuteu-ot u tanoh dan geupeuduek muka gobnyan u yup sigohlom gobnyan trok bak Esau.

⁴ Esau geuplueng! Gobnyan geulhom jaroe gobnyan keu geukruem Yakub kong-kong. Gobnyan geucôm takue Yakub meugo-go. Awaknyan bandua geumo.

¹⁷ Yakub geujak u Sukot. Gobnyan geupeudong saboh rumoh dan geupeugot jambô-jambô ubeut keu meunatang gobnyan. Nyan keuh sabab teumpat nyan geuhoi Sukot. Nyang hareutoe jih jambô-jambô ubeut.

¹⁸ Akhé jih Yakub trok u banda Sikhem di Kanaan. Gobnyan ka geujak ji-oh that nibak Padan Aram. Gobnyan geupeudong khimah gobnyan di luwa banda.