Galatians 3
1 Hai ureueng-ureueng pango di Galatia! Soe nyang ka jipeukeunong peuna gata? Isa Almasih ka geupeuleumah keu gata trang lagee peuta, teupantak bak saleb!
6 Nabi Ibrahim lagee nyan cit. Lam Kitab teutuleh, "Gobnyan peucaya keu Po teu Allah, ngon Po teu Allah geu-anggap gobnyan sibagoe bansa geuh."
10 Teuma nyoe kheueh masalah jih. Tiep ureueng nyang mita loloih ngon jipeubuet atoran na di yub kutok. Kitab jipeugah ngon trang. "Keunong kutok kheueh soe mantong nyang hana jipeubuet tiep-tiep peukara nyang teutuleh lam atoran hukom."
13 Teuma Almasih ka geupeuseulamat geutanyoe nibak kutok nyan! Gobnyan geucok kutok nyan keu droe geuh. Kitab jipeugah, "Keunong kutok kheueh tiep ureueng nyang teugantung bak bak kayee."
15 Syedara-syedara lon, bah lon peuguna saboh peukara nyang ka gata teupeue. Watee sidroe ureueng jiteken saboh janji, hana ureueng nyang jeut peuhanco janji nyan lheueh nyan atawa tamah atoran laen u lam janji nyan.