2 Kings 7
1 Elisha geudöng. "Deungö peue nyang geupeugah lé Yahweh! Singöh bak watee nyoe, gata neubloe saboh raga teupông nyang jroh ngön sigo pèng pirak. Dua raga gandum ngön sigo pèng. Laju di babah pintô Samaria!"
3 Peuet droe ureuëng nyang na peunyakét kulét jiduek di luwa babah pintô. Awak nyan jimeukalön saboh ngön laén. "Pakön tanyoe taduek di sinoe preh maté?"
6 Nyoe keuh peue nyang teujadi. Yahweh geupeugöt mandum teuntra Siria deungö saboh su. Geureubak! Guda! Pasokan nyang rayeuk that jimeudugôm meunuju awak nyan! Awak nyan jimeutari saboh ngön laén. "Raja Israel geusewa ureuëng Het! Geusewa Meusé! Awak nyan teuka keu jak lawan tanyoe!"
8 Peuet droe ureuëng sakét nyan jitamöng u dalam khèmah nyang phôn. Awak nyan jipasoe peunajôh u lam babah! Awak nyan jijép ië anggô sampoe meukok-kok! Awak nyan jicok pèng pirak dan meuh dan bajèe laju jiplueng jak peusom peue nyan. Lheueh nyan awak nyan jiwoe lom dan jitamöng u dalam khèmah nyang laén. Leubèh le hareuta. Leubèh le jipeusom.
10 Awak nyan jiplueng u babah pintô banda dan jimeutari u ateueh bak ureuëng kawai. "Kamoe ka meujak u keumah Siria! Hana ureuëng di sinan! Saboh ureuëng pih hana! Guda-guda mantöng teugamè. Keuleudè-keuleudè mantöng teugamè. Khèmah-khèmah mantöng jidöng. Teutapi mandum ureuëng ka gadoh!"